Lou group DSO

Foundat à Nissa, mai de 20 an fa , DSO es un gabinet inouvant, que a bastit lou siéu desvouloupamen en plaçant la relacioun m’ai siéu coulabouratour e client au mitan dòu siéu proujet.

L’oufici acoumpagna e counselha una larga varietà de pràtiga que sigon cap d’empresa de pichini e mejani soucietà, mesteirant, coumerçant, empresa emergenti , proufessiounal de la sanità o investisseire en l’imoubiliari.

La nouostra ambicioun

V’acoumpagnà en cada tapa de la vida de la vouòstra empresa, de la creacioun fin à la siéu trasmissioun, e vi soustenì tant en l’encastre proufessiounal que persounal.

Lou nouòstre burèu si moubilisa cada-jour per vi pourtà lou counsèu que vi fa mestié e lou pòu faire per lou biais d’espertisa diversi, en de diferent doumeni que n’aven la pràtica….tout’una manada de coumpetença que fan lou nouòstre valour ajustat.

icon

La tècoula dei nouòstri chourma es de v’ajudà per mestrejà la sanità financiaria de la vouòstra soucietà.

icon

Vi pourjen de mejan, à vautre ma finda ai nouòstre soci, que vi permeteran de vougà en un mounde ultra-counetat e securisat. Acò simplifica lu vouòstre escambi ‘mé nautre e vi permete de segre la vouòstra situacioun en viéu.

icon

Tout acò a per toca de v’assabentà e de vi pourtà l’espertisa que n’avès da besoun perfin de perenisà couma si dèu lou creis de la vouòstra empresa.

DSO si vòu lou coumpan titulari dei proujet e ambicioun vouòstre.

Li equipa dso bastisson toujour de relacioun fouòrti e durabli perfin de plus ben vi counouisse e gagnà la vouòstra counfiança , e soubretout faran mefi de mestrejà perfetamen lou vouòstre envirounamen ecounomicou.

Despì toujour, dso si plaça en la dralha de la trasmissioun, l’escambi, lou prougres e lou « faire ensen ». La capitada dòu nouòstre desvouloupamen s’es facha en maja-part m’aquèu biais de caminà. Aproufitan dei coumpetença diversi dei nouòstre soci, li dounan la poussibilità de prougressà e de fà flourida en la siéu obra.

logo dso cabinet expert comptable
Logo du Cabinet Experts-Comptable DSO

La counfiança renouvelada dei nouòstre client que venon de diferent setour douna d’abriva ai nouòstre coulabouratour, toui, engajat en plen per miliourà toujour mai la qualità dòu servici .

DSO es propi estacat à la noucioun de desvouloupamen durable qu’es ficat, dau bouòn, en l’estrategìa de la soucietà. Ma fouòra de cercà à redurre l’efèt dei atività sus l’envirounamen, li nouòstri acioun soun touplen atenti ai doumèni soucial e soucietal
Vourguessias n’en saupre de mai sus lu valour e espertisa nouòstre,e desiderias que v’endralhessian en aquela aventura fourmidabla qu’es la creacioun d’empresa, seriavan ben segur urous de vi presentà l’univers dòu nouòstre group DSO.